“Пахтакор” ва “Насаф” Осиё чемпионлар лигасидаги чиқишларини якунлади

Тошкент. 4 май. ЎзТАГ – Икки ўзбек футбол клуби – “Пахтакор” ва “Насаф” чемпионлар лигасининг кейинги босқичига чиқа олишмади, деб хабар беради Ўзбек телеграф агентлиги (ЎзТАГ).

“Пойтахтнинг “Пахтакор”и ўз майдонида БААлик “Аль-Жазира”ни енгиши ва параллел ўйинда Эроннинг “Тракторсози” ўз майдонида “Ал-Ҳилол”ни ютишини кутиши керак эди”, - деб таъкидлашди Футбол федерациясида.

Ўзбекистонликлар рақибни 3:0 ҳисобида енгиб, ўйинни яхши назорат қилдилар.  Суҳроб Бердиев 13-дақиқада ҳисобни очди. Тимур Толипов 24-дақиқада ҳисобни оширди. Жалолиддин Машарипов ҳисобни учга чиқарди. Аммо параллель ўйин “Ал-Ҳилол” фойдасига (2:1) ҳал бўлиб, ушбу жамоа турнир плей-оффига чиқди.

Қаршининг “Насаф”ига меҳмонда ўзининг тўғридан-тўғри рақиби “Ал-Айн”ни (БАА) енгиши ва параллел ўйинда Қатарнинг “Ал-Жаиш”и “Ал-Аҳли”ни енгишига умид қилиши керак эди. Аммо бундан бўлмади – “аждарлар” 2:0 ҳисобида енгилиб, кейинга босқичга ўтиш имкониятларидан маҳрум бўлдилар.