“Пахтакор” ёшлар футбол жамоаси Краснодардаги халқаро турнирда чиқишларини якунлади

Тошкент. 10 апрель. ЎзТАГ – “Пахтакор” ёшлар футбол жамоаси Краснодардаги С.И. Вахрушев хотирасига бағишланган халқаро турнирда чиқишларини якунлади, дея хабар беради Ўзбек телеграф агентлиги (ЎзТАГ).
“Турнирнинг учинчи куни доирасида пахтакорчилар “Краснодар 2” ФЖ Академиясидаги тенгдошлари билан ўйнадилар. Ўйин мезбонлар фойдасига 2:1 ҳисоби билан якунланди. Волненко ва Жигкаев киритган голлар мезбонларга ғалаба келтирди.
“Пахтакор”да эса Озодбек Қурбонов ўзини кўрсатди”, - деб таъкидлашди пойтахт жамоаси матбуот хизматида.
Мағлубиятдан кейин ўзбек футболчилари турнирдан кетишга мажбур бўлдилар. Турнир қоидаларига кўра, агар икки жамоа очколари тенг бўлса, ғолиб улар орасидаги ўйин якунларига кўра аниқланади. “Краснодар 2” ФЖ Академияси футболчилари ҳам пахтакорчилар очкосига тенг очко жамладилар, лекин улар орасидаги ўйин якунларига кўра турнирда қолишди.