Polygone Onze Productions француз компанияси Ўзбекистон ҳақида фильм суратга олишни режалаштирмоқда

Тошкент. 13 июл. ЎзТАГ – Polygone Onze Productions продюсерлик компанияси (Франция) Миллий телерадиокомпанияга Ўзбекистон, унинг тарихи ва маданияти ҳақида хужжатли фильм суратга олиш бўйича қўшма лойиҳани амалга оширишни таклиф қилди, деб хабар беради Ўзбек телеграф агентлиги (ЎзТАГ).

“Ўзбекистон бой тарихга эга ва Европада ушбу мамлакат, унинг бугунги ҳаёти ва муваффақиятлари ҳақида кўпроқ билишни истайдилар. Бизнинг компания Ўзбекистон ҳақида фильм суратга олиш тажрибасига эга. 10 йил олдин биз Ўзбекистон Халқ артисти Муножат Йўлчиева ҳақида бир фильм суратга олган эдик. Биз ўйлаган фильм европалик томошабинларга Ўзбекистоннинг янги қирраларини очишга имкон беради, деб ўйлайман”, – деб таъкидлади француз компаниясининг менежер ва продюсери Клод Хайма.