Португалия футбол бўйича жаҳон чемпионати 1/8 финали учун муносиб рақибни танладими

Тошкент. 26 июн. ЎзТАГ – Тўлқин Ташимов. Кеча кечаси Испания ва Португалия Россиядаги футбол бўйича жаҳон чемпионати 1/8 финали учун ўзларига рақибларни танлаб олишди. Лекин португалияликлар рақиб сифатида уругвайликларни истаганмиди, деган савол жавобсиз қолмоқда.

Бундайлиги гумон...

Лекин келинг, ҳаммасини бошидан сўзлаб берайлик.

А гуруҳида шундай вазият шаклландики, Саудия Арабистони ва Миср ўртасида ўйин ҳеч нарсани ҳал қилмас эди. Жамоалар турнирни яхши кайфиятда тарк этиш каби маҳаллий масалани ҳал қилиш учун мароқ билан ўйнашди. Охир оқибатда, эркинроқ ва тартиблироқ бўлган саудияликлар жаҳон чемпионати финалида 2:1 ҳисобида ўз тарихидаги биринчи ғалабани нишонлашди.

Шу вақтнинг ўзида, Самарадаги стадиондаги майдонга гуруҳдаги биринчи ўрин учун курашаётган Россия ва Уругвай тушди. Ўйиннинг дастлабки дақиқаларидан бошлаб футболчиларнинг даражасидаги фарқ сезилиб қолди: уругвайликлар тўпни моҳирона ва тезкор ўйнатишди ва майдон марказидан осонлик билан ўтишди, руслар эса тўп узатишда хатоларга йўл қўйишди, ҳужумларни сустлаштиришди ва тўп билан ёмон ишлашди.

Суареснинг чап қанотдан хужумга ўтиши биринчи хавотирли қўнғироқ бўлди. Гап унинг ўтишида эмас, балки ҳимоячилардан қандай осонлик билан олислаб кетгани, унга етиб олишларини кутиб тургани ва ўзи тўпни узатгани ҳақида. Шундай қилиб, икки карра жаҳон чемпионлари, тўп узатишдан олдин ўйлаб олишлари мумкинлигини кўрсатдилар, бу эса замонавий футболда жуда катта устунлик дегани.

Кейин, шарҳловчилар Россия дарвозабонидан нега кумир яратаётганини тушуниш қийин. Улар нега бундай деб ҳисоблашади? Акинфеев ўзининг биринчи голини ҳимоялаши зарур бўлган бурчакка олди. Қанотдан хужумда дарвозабони яқин бурчакка гол ўтказиб юбориш ҳуқуқига эга эмас бўлгани каби, жаримадан ҳам ўзи турган бурчакка тўп қўйиб юбориши керак эмас. Рикошет бўлганига қарамасдан, иккинчи гол бўйича ҳам Россия терма жамоаси дарвозабонига саволлар бор.

Ва шунинг учун ҳам Уругвай фойдасига 3:0 – кутилган натижа.

Испания Марокаш билан ўйинда, Португалия Эрон билан ўйинда турнирнинг 1/8 финали учун ўзларига рақиблар танладилар. Ҳар иккала жамоа ўйинчиларининг ҳаёлида тактик ҳисоб-китоблар бўлганида, биринчи навбатда, ўйин сифатига зарар етади. Айнан шундай ҳам бўлди.

Португалия, бир бора гол урганидан кейин узоқ вақт, деярли ўйин охиригача ўйиннинг “тоти”ни қочирди. Ҳайратланарлиси ҳам шундаки, Испания, деярли ўйиннинг охиригача Марокашга 1:2 ҳисобида ютқазиб турди. Лекин биринчи бош ҳакам видеотакрордан сўнг Португалия дарвозасига пенальти берди, шундан кейин бошқа бир ўйинда бош ҳакам видеотакрордан кейин испанлар дарвозасига голни қайд этди.

Шу сабабли, Португалия – Эрон учрашувидаги 1:1 Роналду и Кони Уругвайга олиб чиқди, Испания – Марокаш ўйинидаги 2:2 эса Инеста Иско-Иньеста-Костани Россияга тўғирлаб қўйди.

Бу тўрт жамоа томонидан гуруҳда кўрсатилган ўйин сифатига қараганда, ҳатто жаҳон чемпионатига бир кун қолганда бош мураббийи жанжал билан ҳайдалган Испаниянинг омади кўпроқ келган, дейиш мумкин – энди у нима қилиб бўлса ҳам Россиядан ўтиши керак. Энди 1/8 финалигача рус шарҳловчилари, бош мураббийси ва футболчилари барча кучларини майдонда қолдиришга ваъда берадилар. Лекин эслаб кўринг, бундай ҳол Панама терма жамоаси футболчиларининг Англияга қарши ўйинида бўлган эди. Ва шундан сўнг 6:1 ҳисобидаги мағлубият ҳам қайд этилган эди. Жамоалар даражаси сезиларли фарқ қилади, ва бунинг ўрнини фақат бор кучи билан ўйнаш истаги билан қоплаш мумкин эмас.

Ўз навбатида, Португалия - Уругвай ўйини 2018 йилги жаҳон чемпионатининг энг қизиқарли ўйинларидан бири бўлиши кутилмоқда.

Эслатиб ўтамизки, ЖЧ-2018 – ФИФАнинг футбол бўйича 21-жаҳон чемпионати бўлиб, унинг финал қисми Россияда 2018 йил 14 июндан 15 июлгача бўлиб ўтади. Россия ўз тарихида биринчи бор турнирга мезбонлик қилмоқда. Чемпионат Россиянинг 11 шаҳридаги 12 стадионларда ўтказилмоқда. Бундан ташқари, чемпионатда илк марта ҳакамларга видеоёрдам тизимидан фойдаланилмоқда.

Сурат манбаи: https://www.newsinfo.am/rus/article/view/VJmt0CnSrE