Пойтахт “Локомотив” жамоасининг Осиё чемпионлар лигаси чоракфиналидаги рақиблари маълум бўлди
Тошкент. 10 июн. ЎзТАГ – Малайзия пойтахти Куала-Лумпурда Осиё чемпионлар лигаси чоракфиналига қуръа ташлаш маросими бўлиб ўтди, деб хабар беради Ўзбек телеграф агентлиги (ЎзТАГ).
“Қуръа натижаларига кўра “Локомотив” чоракфинал босқичида БААнинг “Ал-Айн” жамоаси билан ўйнайди. Пойтахт жамоасининг биринчи ўйини 23 августда сафарда бўлиб ўтади. Жавоб ўйини эса Тошкентда 13 сентябрда ўтказилади”, - деб таъкидлашди мамлакат Футбол федерациясида.
Турнирнинг ушбу босқичида қитъанинг саккиз энг кучли жамоаси қатнашади. Ғарбий ҳудудда “Локомотив”, “Ал-Айн”, “Ал-Жаиш” (Қатар) ва “Ал-Наср” (БАА) беллашса, шарқий ҳудудда яримфиналда “Шандонг Луненг” (Хитой) ва “Сеул” (Жанубий Корея), шунингдек, “Чонбук Моторс” (Жанубий Корея) ва “Шанхай SIPG” (Хитой) баҳслашади.