Пойтахтдаги ёқилғи қуйиш шохобчалари АИ-92 маркали бензинни сотишни бошлади

Тошкент. 16 декабрь. ЎзТАГ – Пойтахтимиздаги автомобилларга ёқилғи қуйиш шохобчалари импорт қилинган АИ-92 маркали бензинни сотишга киришилди, дея хабар беради Ўзбек телеграф агентлиги (ЎзТАГ).

Қайд этилганидек, импорт ёқилғиси литри учун 6100 сўм, Ўзбекистонда ишлаб чиқариладиган АИ-91 литри учун 5700 сўмга тўланади.

Эслатиб ўтамиз, 2020 йилнинг 1 апрелидан бошлаб Ўзбекистонда якуний истеъмолчига сотиладиган бензин, дизел ёқилғиси, суюлтирилган газ учун акциз солиғи ставкаси 22,8% га, суюлтирилган газ эса 14,9% га ошади. Охирги марта 2019 август ойида бензин нархи ошди.

Давлат статистика қўмитаси маълумотларига кўра, 2019 йил январь ва август ойларида ишлаб чиқарилган бензин миқдори ўтган йилнинг шу даврига нисбатан 595 млн литр, яъни 9,4% га кам, ўтган йилнинг шу даврида – 657 млн литр бензин ишлаб чиқилган.

Сурат манбаи: almaty.tv