Пойтахтнинг “Бунёдкор” жамоаси Қатар чемпиони “Лахвия” клуби билан ўйнайди
Дата: 17:17, 16-03-2015.
Тошкент. 16 март. ЎзТАГ – 17 март куни Осиё чемпионлар лигаси учинчи тури доирасида Пойтахтнинг “Бунёдкор” жамоаси ўз майдонида Қатар чемпиони “Лахвия” клуби билан ўйнайди, дея хабар беради Ўзбек телеграф агентлиги (ЎзТАГ).
“Иккинчи тур ўйинларидан кейин икки ўйинни ҳам ютган эроннинг “Персеполис” клуби гуруҳнинг якка етакчиси бўлиб турибди. “Ал-Наср” ҳисобида икки очко, “Бунёдкор” ва “Лахвия”да биттадан очко бор. Ўйинга Япониялик ҳакам, ФИФА рефериси Иидо Юмпе бошлиқ ҳакамлар бригадаси хизмат қилади”, – деб таъкидлашди “Бунёдкор” ФК матбуот хизматида.
Осиё чемпионлар лигасида “Лахвия” 4 маротаба қатнашмоқда. 2013 йилда Дохалик футболчилар чоракфиналгача бориб, ушбу босқичда хитойнинг “Гуанчжоу” клубига ютқазиб қўйган эдилар.
