Пойтахтнинг “Пахтакор” футболчиси Хитойнинг “Бэйцзинь Гоань” жамоасига ўтди
Дата: 17:02, 08-07-2016.
Тошкент. 8 июл. ЎзТАГ – “Пахтакор” футбол жамоаси ва Ўзбекистон термасининг ҳужумчиси Игорь Сергеев Хитойнинг “Бэйцзинь Гоань” футбол жамоаси билан шартнома имзолади, деб хабар беради Ўзбек телеграф агентлиги (ЎзТАГ).
“Сергеев “Пахтакор”нинг “Бэйцзинь Гоань”га ўтган иккинчи ўйинчиси бўлди. Йил бошида жамоа ҳимоячиси Егор Кримец хитойликлар билан олти ойлик шартнома имзолаган эди. Унинг муддати чўзилиши мумкин. Ҳозирда хитойлик клуб чемпионатда саккизинчи ўринни эгаллаб турибди”, – деб таъкидлашди клубда.
Эслатиб ўтамизки, хужумчи Ўзбекистон чемпионатида 97 ўйин ўтказиб, 51 гол киритган. У мамлакатнинг уч карра чемпиони ва Кубок эгасидир. Ўйинчи Осиё Чемпионлар лигасида 19 ўйин ўтказган ва саккиз марта гол киритган.
