Прагада ўзбек суратчисининг кўргазмаси бўлиб ўтади
Тошкент. 19 июн. ЎзТАГ – 2015 йил 8 октябрда Прагада ўзбек футосуратчиси Алия Минибаеванинг “Парда ортида” номли кўргазмаси бўлиб ўтади, деб хабар беради Ўзбек телеграф агентлиги (ЎзТАГ).
Чехиянинг Ўзбекистондаги элчихонасидан хабар қилишларича, фотокўргазма Прага марказидаги Лувр галереясида ўтказилади. Кўргазмада Чехиядаги кўплаб кишиларнинг ўз болалари ёки болалар уйлари тарбияланувчилари билан тушган суратлари акс этган.
Хусусан, лойиҳада Михаэл Куклов, Иван Хилков, Иван Йирэшов, Луция Зедничкова, Симона Сташова ва бошқа таниқли кишилар қатнашишлари реалаштирилган.
Фотокўргазма “Болалар болаларга кўмаклашади” ҳайрия лойиҳаси доирасида тайёрланмоқда. Ундан тушган даромад Шарлотта Масарикованинг Прагадаги болалар уйига топширилади.
Маълумот ўрнида, Алия Минибаева Андижонда туғилган. Москвада Леонид Курскойнинг бадиий суратчилик курсларини тамомлаган. 2008 йилда Прагага кўчиб ўтиб, икки йилдан кейин бу ерда ўз фотостудиясини очган. У олган суратлар Guide,Top Class, Playboy, Travel Fever, Linda журналларида чоп этилади. Шуниндек, у DIC, Yannis, Corneliani, Escada, Nike таниқли брендлари учун ишлайди.
