Президент мактабларига ҳужжатларни онлайн қабул қилиш қачон бошланиши маълум бўлди
Тошкент. 28 май. ЎзТАГ – Президент мактабларига ҳужжатларни онлайн қабул қилиш қачон бошланиши маълум бўлди, дея хабар беради Ўзбек телеграф агентлиги (ЎзТАГ).
"Наманган, Нукус, Хива ва Тошкентда президент мактабларига ҳужжатларни қабул қилиш 2019 йил 1-22 июнь кунлари бўлиб ўтади", - дейилади Ўзбекистон халқ таълими вазирлиги матбуот хизмати хабарида.
Таъкидланганидек, президент мактаблари Ўзбекистон Президенти Шавкат Мирзиёевнинг 2019 йил 20 февралдаги "Президент мактабларини ташкил этиш чора-тадбирлари тўғрисида"ги қарорига мувофиқ ташкил этилиб, истеъдодларни бошқариш ва бўлажак мамлакат раҳбарларини тайёрлаш тизимини яратишга қаратилган.
"Илк мактаблар 2019-2020 ўқув йилидан Наманган, Нукус, Хива ва Тошкент шаҳарларида фаолият бошлайди. Чекланган миқдордаги президентлик мактабларини ташкил этишнинг бошланиши ушбу мактабларни бошқаришнинг бутунлай янги моделини синаб кўриш зарурати билан қабул қилинади. Синовдан сўнг, 2020-2021 йилларда Ўзбекистоннинг бошқа ҳудудларида ҳам президент мактаблари ташкил этилади. Шу билан параллел равишда, Кембриж дастурини амалга оширишнинг ижобий тажрибасини ва мамлакатнинг бошқа мактабларини бошқаришда уни амалга ошириш имкониятларини ўрганадиган маҳаллий экспертлар гуруҳи тузилади. Шундай қилиб, президент мактаблари республикада таълим сифатини такомиллаштиришда ислоҳотларнинг локомотивига айланади", - дейилади хабарда.
Сурат манбаи: oxo.uz
