Procter and Gamble Ўзбекистонда ишлаб чиқариш қувватларини ташкил этишни кўриб чиқмоқда

Дата: 13:38, 30-12-2019.

Тошкент. 30 декабрь. ЎзТАГ – АҚШнинг трансмиллий компанияси, Жаҳон истеъмол товарлари бозорида етакчилардан бири Procter and Gamble Ўзбекистонда ишлаб чиқариш қувватларини ташкил этишни кўриб чиқмоқда, деб хабар беради Ўзбек телеграф агентлиги (ЎзТАГ).

Инвестиция ва ташқи савдо вазирлигининг маълумотларига кўра, компания вице-президенти ва бош директори Дейер Куртасланоглу бошчилигидаги компания делегацияси билан учрашув бўлиб ўтди.

"Учрашувда компания билан ҳамкорликни янада ривожлантириш истиқболлари муҳокама қилинди, бунда республика ҳудудида юқори технологик ишлаб чиқариш қувватларини АҚШ сифат ва экологик стандартларига мувофиқ ташкил этиш назарда тутилган", - дейилади хабарда.

Таъкидланишича, компания 2017 йилда Ўзбекистон бозорига қайтган – унинг дистибьютерлик тармоғи ходимлари штатида 260 киши ишлайди.

Учрашув якуни бўйича томонлар бундан кейин ҳам ушбу ташаббусни чуқур ўрганиш учун имкон қадар ҳамкорлик шакли ва шартларини аниқлаштириш мақсадида яқин ҳамкорлик қилишга келишиб олдилар.

 

Сурат манбаи: mift.uz

Янгилик билан ўртоқлашиш: