Прокуратура ўқувчи Жасур Ибрагимовнинг ўлими билан боғлиқ иш бўйича терговни якунлади
Тошкент. 15 сентябр. ЎзТАГ – Тошкент Прокуратураси Боровский номидаги тиббиёт коллежининг талабаси Жасурбек Иброҳимовнинг ўлими муносабати билан очилган жиноий иш доирасидаги тергов ҳаракатларини якунлади. Бу ҳақида Тошкент шаҳар прокурори ўринбосари Муроджон Содиқов баён қилди, деб хабар беради Ўзбек телеграф агентлиги (ЎзТАГ).
“Ҳозир иш кўриб чиқиш учун судга оширилган”, - деб таъкидлади Содиқов Тошкент шаҳар ИИББда бўлиб ўтган брифинг доирасида.
Прокуратура вакили судгача ишнинг бошқа тафсилотларини очиқламади.
Эслатиб ўтамизки, май ойи бошида Боровский номидаги тиббиёт коллежи ёнида жанжал содир бўлиб, унда шу коллеж талабаси Жасурбек Иброҳимов вафот этган. Ўсмирнинг ўлими юзасидан жиноий иш очилиб, у кенг жамоатчилик эътиборига тушгач, республика бош прокурорининг назоратига олинган эди.
Тўпланган далиллар асосида Боровский номидаги тиббиёт коллежининг талабаси Исломбек Тўлаганов Жиноят кодексининг 104 моддаси бўйича (Ўлимга олиб келган қасддан тан жароҳати етказиш) айбланувчи сифатида ишга жалб этилиб, унга нисбатан хибсга олиш чораси қўлланган эди.
