Ravon бренди Украинада энг кўп сотилаётган автомобиллар ТОП-10га кирди

Тошкент. 9 март. ЎзТАГ – GM Uzbekistanнинг Ravon автомобиллари Украинада энг кўп сотилаётган автомобиллар ТОП-10га кирди, деб хабар беради Ўзбек телеграф агентлиги (ЎзТАГ) “Укравтопром”га таянган ҳолда.

Нашр маълумотларига кўра, бунда Ravon бренди фақат Volkswagen, Toyota, Renault, Nissan, Audi, Skoda, Hyundai маркаларидан ортда қолиб, 8-ўринни эгаллади. Январ-феврал якунлари бўйича компания 576 янги автомобиллар сотишга муваффақ бўлди. Сотувлар 2017 йил феврали билан солиштирганда 196,7% ошди.

Эслатиб ўтамизки, февралда “Укр-УзАвто” компанияси (GM Uzbekistanнинг Украиндаги дистрибьютори - ЎзТАГ) Киевда Ўзбекистоннинг ушбу мамлакатдаги дипвакиллиги кўмагида Ravon R3 автомобилининг тақдимотини ўтказди.

Сурат манбаи: http://autobride.ru/obzory/obzor-ravon-nexia-r3.html