Ravonнинг Россиядаги сотувлари 1000% кўпга ўсди
Тошкент. 13 ноябр. ЎзТАГ – 2017 йилнинг 10 ойида Ravonнинг Россиядаги сотувлари 1150%га ўсди, деб хабар беради Ўзбек телеграф агентлиги (ЎзТАГ) россия ОАВга асосланган ҳолда.
Actualnews интернет нашрининг маълум қилишича, “Ravon” бренди январ-октябр ойларида Россияда 11477 та енгил автомобиль сотган. Булар асосан Chevroletнинг янгиланган арзон версияларидир. Экспертларнинг сўзларига кўра, 2016 йилда РФда ўзбек автомобилларининг сотувлари билан боғлиқ вазият бутунлай бошқача бўлган. Аммо 2017 йилда вазият ўзгарган. Қисман бу дилерлик тармоғи кенгайгани ва қисман машиналар нархи арзонлиги билан боғлиқ.
Эслатиб ўтамизки, Ravon - General Motors Uzbekistan заводи 2015 йилдан бери таклиф этаётган янги бренддир. Амалда у Россияда яхши танилган Uz-Daewoo маркасидир. Кейинги 20 йилда Россияда ушбу моделлардан 1 млн. донадан зиёд сотилган.
