Равшан Эрматов “Кашима Антлерс” – “Гуанчжоу Эвергранд” ўйинининг бош ҳаками этиб тайинланди
Тошкент. 25 май. ЎзТАГ – Ўзбекистонлик рефери Равшан Эрматов “Кашима Антлерс” (Япония) – “Гуанчжоу Эвергранд” (Хитой) жамоалари ўйинининг бош ҳаками этиб тайинланди, деб хабар беради Ўзбек телеграф агентлиги (ЎзТАГ).
Ўзбекистон Футбол федерацияси маълумотига кўра, бу 2017 йилги Осиё чемпионлари лигаси 1/8 финали доирасидаги жавоб учрашуви бўлади.
Р.Эрматовга Абдуҳамидулло Расулов ва Жаҳонгир Саидовлар кўмаклашиши кутилмоқда. Малайзиялик Сухайзи бин Шукри эса заҳира ҳаками қилиб тайинланган.
Қатар вакили Жассим Муҳаммад ал-Хаил инспектор-ҳакам, гонконглик Ченг Хин Чанг ўйин комиссари бўлишади.
Эслатиб ўтамизки, “Кашима Антлерс” – “Гуанчжоу Эвергранд” жамоалари ўйини 30 май куни Ибараки шаҳрида бўлиб ўтади. Биринчи ўйинда “Гуанчжоу Эвергранд” 1:0 ҳисобида ғалаба қозонган эди.