Равшан Эрматовнинг ҳакамлар бригадаси Бразилиядаги жаҳон чемпионатининг энг яхши ҳакамлик учун бериладиган олтин медалини олди
Дата: 11:10, 18-07-2014.
Тошкент. 18 июл. ЎзТАГ – Равшан Эрматовнинг ҳакамлар бригадаси Бразилиядаги жаҳон чемпионатининг энг яхши ҳакамлик учун бериладиган олтин медалини олди, дея хабар беради Ўзбек телеграф агентлиги (ЎзТАГ).
“Эрматов бригадаси мазкур медални энг яхши ҳакамлик амалиёти учун жаҳон чемпионати ўйинларини олиб борган бошқа бир неча ҳакамлар билан биргалик олди”, - деб қайд этди Эрматовнинг қанот ҳаками Баҳодир Қўчқоров Бишкекдаги матбуот анжуманида.
Қайд этиш керакки, Р.Эрматов 2010 йилда ЖАРда бўлиб ўтган жаҳон чемпионатида ҳам энг яхши ҳакамлик учун олтин медал олган эди.
Эслатиб ўтамизки, 36 ёшли ФИФА рефериси Равшан Эрматов тарихда футбол бўйича жаҳон чемпионатининг 9 ўйинига хизмат қилган биринчи ҳакамдир.
