“Реал” – “Манчестер Сити”: бўлиши кутилаётган воқеа содир бўлди
Тошкент. 5 май. ЎзТАГ – Мадриднинг “Реал” жамоаси ўз майдонида 1:0 ҳисобида англиянинг “Манчестер Сити” жамоасини енгиб, энг нуфузли европа клублари кубогининг иккинчи финалчиси бўлди. Аслида, бўлиши кутилаётган воқеа содир бўлди, деб хабар беради Ўзбек телеграф агентлиги (ЎзТАГ) УЕФА чемпионлар лигасининг иккинчи жавоб яримфинал учрашувидан кейин.
“Реал” биринчи ўйинда мудофаага асосланган эҳтиёткорона ўйин кўрсатди. Буни ҳимоячи Марсело майдоннинг жамоаси томонидан деярли чиқмаганидан ҳам билиб олиш мумкин эди. Лекин шу ҳолда ҳам қироллик клуби “Альянц Арена”дан ғалабани олиб кетиш учун кўпроқ имкониятга эга бўлди.
Иккинчи ўйинда жамоа таркибига унча яхши формада бўлмаган Роналду ҳам қўшилди. У ўртача ўйин кўрсатди, лекин шунинг ўзи ҳам “Манчестер Сити” ҳимоясини доимий асабий ҳолатда ушлаб туриш учун етарли бўлди. Шу сабабли ҳам Гарет Бэйлнинг голида Криштианунинг ҳам ҳиссаси бор дейиш мумкин.
Ҳар икки ўйинда “Манчестер Сити” деярли яхши ўйин кўрсатмади...Ҳатто Яя Туре ҳам инглиз жамоаси ўйинига маъно қўша олмади. Бундай ўйин билан эса яхши натижага эришиб бўлмайди, айниқса, катта футболда.
Шу сабабли ҳам “Сантьяго Бернабеу”да бўлиши кутилаётган воқеа содир бўлди. Чемпионлар лигаси финалига катта футбол интеллектига эга бўлган, нафақат гол уришга, балки ўйинни назорат қила олувчи жамоа чиқди.
Айтиш мумкинки, ҳар икки жуфтлик ғолиблари ҳақидаги прогнозимиз 100% тўғри чиқди. Аммо бу кишида қониқиш ҳиссини туғдирмаяпти. Балки бу “Реал” – “Бавария” шаклидаги финал қизиқарлироқ бўлармиди деган фикр сабаблидир. Балки.
Келинг, мақола сўнгида яна бир башорат қилайлик: икки йил олдин бўлгани каби “Реал” Чемпионлар лигасини ютиб олади, “Атлетико” эса “иккинчи марта иккинчи” лақабини олади.
