Регби бўйича Ўзбекистон термасини Буюк Британиялик тренер тайёрлайди
Тошкент. 18 май. ЎзТАГ – Буюк Британия элчихонаси Регби федерацияси билан ҳамкорликда тренер Бенжамин Фокасни регби бўйича Ўзбекистон миллий термасини тайёрлашга таклиф қилди, деб хабар беради Ўзбек телеграф агентлиги (ЎзТАГ).
“Жорий йилда Регби бўйича Ўзбекистон термаси ушбу спорт тури бўйича Осиё чемпионат ўйинларида қатнашади. Биринчилик жорий ойда Тошкентда ўтказилади. 18 майда Ўзбекистон ярим финалда БААга қарши ўйнайди. Ғолиб бўлган жамоа 21 май куни ўтказиладиган финалга чиқади. Британиялик тренер ўзбек термасини айнан шу ўйинга тайёрлайди”, - деб таъкидлашди элчихонада.
Қайд этиш зарурки, Ўзбекистонда регби кундан-кунга оммалашиб бормоқда. Буюк Британия элчихонаси мамлакат Регби федерациясига регбини нафақат катталар, балки болалар орасида ҳам ривожлантиришда ёрдам бермоқда. Бунинг ёрқин мисоли – пойтахтда ўтган йил октябрда ўтказилган Getting Into Rugby болалар регби фестивалидир. Унинг доирасида Буюк Британия элчихонаси Буюк Британия Ҳарбий кучларининг регби бўйича икки тренерини жамоат парки ва миллий терма тренерлик лагерида тренинглар ўтказиш учун таклиф қилган эди.
