Рекордчи фура ўзбек-қозоқ чегарасида ҳали муаммолар туғдиради

Тошкент. 23 феврал. ЎзТАГ – Ўзбек-қозоқ чегарасидаги “Яллама” постида оғир юк машиналирининг йўлини тўсиб қўйган узунлиги 60 метр ва оғирлиги 305 тонналик рекордчи фура ҳали муаммолар туғдиради, деб хабар беради Ўзбек телеграф агентлиги (ЎзТАГ) қозоқ ОАВга асосланган ҳолда.

Ҳайдовчиларнинг сўзларига кўра, тиқилинч 21 февралда юзага келган.Уларнинг таъкидлашларича, божхона постида Қозоғистондан Ўзбекистонга йўл олган 200 ортиқ фуралар тўпланиб қолган.

Хусусан, қозоқ томони Ўзбекистондан рекордчи фуранинг ўтиши учун рухсат ҳужжатларини кутмоқда. Рухсат олингач, фура Ўзбекистонга йўлга тушади”, – деб таъкидлашди Жанубий Қозоғистон божхона назорати бошқармасида.

Айни пайтда қозоқ божхонаси юқоридаги каби муаммолар 60-метрли фуранинг орқага қайтишида ҳам юзага келишига амин.

Одатда бундай узун фуралар дунё транспорт компаниялари томонидан кўп қўлланилади. 2017 йил кузда McFadyens британ транспорт компанияси ветрогенератор паррагини ташиш учун 60-метрли прицепли фурадан фойдаланган эди.

Австрияда 125 метрлик автопоезд оғирлиги 300 тонналик темир йўл рейсларини ташиган эди. Ўшанда бошқа автотранспортларга халақит бермаслиги учун унга алоҳида маршрут ишлаб чиқилган эди.

Одатда еврофуранинг узунлиги 13,6 м, жамбофуранинг узунлиги 13,8 м, тиркама узунлиги – 15,1 м ва мега тиркама узунлиги – 16 м бўлади. Уларнинг юк ташиш қуввати 20 тоннадан 25 тоннагача бўлади.

Сурат манбаи: https://www.zakon.kz/4905435-kilometrovyy-zator-iz-fur-obrazovalsya.html