Renault Ўзбекистонда ўз автомобилларини ишлаб чиқаришни режалаштирмоқда

Тошкент. 28 июнь. ЎзТАГ – Франциянинг «Groupe Renault» автомобилсозлик корпорацияси Ўзбекистонда ўз автомобилларини ишлаб чиқаришни режалаштирмоқда, дея хабар беради Ўзбек телеграф агентлиги (ЎзТАГ) маҳаллий ОАВга таянган ҳолда.

Бу ҳақда Ўзбекистон элчихонасининг Франциядаги вакиллари корпорация раҳбарияти билан учрашувида муҳокама қилинган.

«Groupe Renault» вакиллари Ўзбекистонда Renault автомобили ишлаб чиқаришни йўлга қўйишдан манфаатдор эканини билдирди. Хусусан, Ўзбекистон компания томонидан Марказий Осиёда истиқболли асосий ва узоқ муддатли ҳамкор сифатида кўрилаётгани, шу муносабат билан Renault ҳамкорлик бўйича қўшма лойиҳаларга катта аҳамият бераётгани таъкидланди. (...) Корпорация ҳозирги кунда энг машҳур «KWID» моделини ишлаб чиқаришга, жумладан, МО ва Афғонистон мамлакатлари бозорига экспортни йўлга қўйишга тайёр", дейилади хабарда.

Қайд этилганидек, компания вакилининг маълумотларига кўра, 2018 йилда Ўзбекистонга 6 мингга яқин «Lada» русумидаги автомобил сотиб олинган, шунингдек, француз автомобил компаниялари “бозорининг ҳажмини ва маҳаллий истеъмолчиларнинг компания томонидан ишлаб чиқарилаётган маҳсулотларга бўлган қизиқиши"ни намойиш этади.

Ишлаб чиқаришни йўлга қўйиш имкониятларини муҳокама қилиш мақсадида Франция компаниясининг вакиллик делегацияси яқин келажакда Ўзбекистонга ташриф буюришни режалаштирмоқда.

 

Сурат манбаи: gov.uz