РФ ички ишлар вазири Ўзбекистонда ИИБ таянч пунктига ташриф буюрди
Тошкент. 23 май. ЎзТАГ – Россия Федерацияси ички ишлар вазири полиция генерали Владимир Колокольцев Ўзбекистон Республикасига ташриф доирасида Юксалиш маҳаласидаги 67-сонли ИИБ таянч пунктини бориб кўрди, деб хабар беради
Хабаровскнинг Khabara.Ru портали.
Россия делегациясига Ўзбекистон Ички ишлар вазири, генерал-майор Абдусалом Азизов ҳамроҳлик қилмоқда.
Россия ИИВ раҳбарига таянч пунктининг вазифалари бўлган ҳуқуқбузарликлар профилактикаси, вояга етмаганлар билан ишлаш, аҳоли билан мулоқотни йўлга қўйиш ишлари ҳақида сўзлаб берилди.
Россия делегациясига инспекторлар иши, бинонинг техник жиҳозланиши намойиш қилинди.
Владимир Колокольцев профилактика инспекторлари ишини юқори баҳолади ва бу вазифа Россия Федерацияси полиция участквойлари ишига мос келишини билдириб ўтди.
Эслатиб ўтамизки, Ўзбекистон Республикаси ИИВ ИИБ таянч пунктлари ИИВ қуйи бўғини бўлиб, аҳоли билан алоқалар, жамоат тартибини сақлаш, ҳуқуқбузарликлар профилактикаси, жиноятчиликнинг олдини олиш учун жавоб беради.
