Ролан Гарроснинг биринчи доирасида ўзбек теннисчиси АТР рейтингининг 30-ракеткаси билан учрашади

Тошкент. 25 май. ЎзТАГ – Франция очиқ чемпионатининг (Ролан Гаррос) биринчи доирасида ўзбекистонлик теннисчи Денис Истомин АТР рейтингининг 30-ракеткаси австралиялик Ник Кирьос билан учрашади, деб хабар берди Ўзбек телеграф агентлиги (ЎзТАГ).

Франция очиқ чемпионатининг жадвалига кўра, ўйин бугун тошкент вақти билан соат 14.00да бошланиши керак.

Ўтган мусобақалардаги муваффақиятсизликлардан кейин Ўзбекистоннинг биринчи ракеткаси АТР рейтинги 77-ўринга тушди.

Истомин - Кирьос жуфтлигининг ғолиби кейинги доирада Кайл Эдмунд - Стефан Робер жуфтлиги ғолиби билан учрашади. Британиялик Эдмунд ҳозирда жаҳонда 121-ўринда, унинг доирадаги рақиби француз Робер эса 558-поғонада. Хуллас, ҳозир Кирьосда ҳам, Истоминда ҳам кейинги босқичга чиқиш учун яхши имкониятлар мавжуд.

Ролан Гарросниг учинчи босқичида Истомин – Кирьос жуфтлиги ғолибини яна бир британ теннисчиси – Энди Маррей билан учрашув кутади. Маълумки у жаҳоннинг учинчи ракеткаси ва ушбу турнир фаворитларидан бири.

Эслатиб ўтамизки, теннис бўйича Франция очиқ чемпионати (Ролан Гаррос) – Катта шлем туркумига кирувчи энг йирик мусобақалардан бири бўлиб, Парижда (Франция) Roland Garros теннис мажмуи кортларида ўтказилади.