Роналду Тевесга қарши: Чемпионлар лигаси биринчи ярим финалига превью
Тошкент. 5 май. ЎзТАГ – Бугун тошкент вақти билан соат 23.45да УЕФА Чемпионлар лигасининг биринчи ярим финалида мадриднинг “Реал” ва туриннинг “Ювентус” жамоалари учрашади, дея хабар беради Ўзбек телеграф агентлиги (ЎзТАГ).
“Евроспорт” канали сўровига кўра, “Реал”нинг ғалабасига овоз берганларнинг 61%, “Ювентус” устун келишига эса респондентларнинг 39% ишонади.
Ўйин Италияда бўлиб ўтади ва шу сабабли мезбонлар устунликка эга бўладилар. Андреа Пирло ва Карлос Тевес ўйинни туринликлар фойдасига ҳал қилиши мумкин. Лекин бундай бўлмаслиги ҳам мумкин...
Майдонда италияликларни ўн минглаб томошабинлар қўллаб қувватлашига қарамасдан, Криштиану Роналду ва Гарет Бэйл мўжиза кўрсатишлари ҳам мумкин. Жароҳат олган Карим Бензема бўлмаган шароитда асосий оғирлик айнан шуларга тушади. Лекин бу икки ўйинчи ҳам ҳеч нима чиқара олмаслиги мумкин...
Кейин, бу ярим финалнинг фақат биринчи ўйини эканлигини ҳам эсдан чиқармаслик зарур. Шу сабали туринликлар гол ўтказиб юбормаслик ва гол уриш учун ҳамма нарсани қиладилар. Ўз навбатида, мадридликлар ўз майдонида устунликка эришиш учун меҳмонда дарвозани забт этишга ҳаракат қиладилар.
Ва энг асосийси, мураббийлар қарама-қаршилиги.
“Ювентус” мураббийси Массимилиано Аллегри тактик усталиги ва турли ўйин схемаларини қура олиши билан ном чиқарган. Ўз навбатида, мадридлик тренер Карло Анчелотти ундан кўра анча тажрибали ва футболчиларни ҳал қилувчи ўйинга тайёрлай олиши билан танилган.
Шу сабабли бугуннинг асосий саволи “Анчелотти Роналду ва Бэйлни ўйинга тўғри тайёрлай оладими ва Аллегри қандай қилиб Пирло ва Тевес ёрдамида ҳамкасбидан айёрлик қила олади?” шаклида жарангламоқда, дейиш мумкин.
