“Росатом” Тошкентда контейнерда жойлашган мини-ГЭСни тақдим қилди

Тошкент. 26 май. ЎзТАГ – “Росатом” Тошкентда кичик гидроэнергетика соҳасидаги ноёб технология - контейнерда жойлашган мини-ГЭСни тақдим қилди, деб хабар беради Ўзбек телеграф агентлиги (ЎзТАГ).

У “Росатом Центральная Азия” Минтақавий маркази томонидан “Энергетика, энерготаъминот, муқобил энергия манбалари - Power Uzbekistan 2017” кўргазмаси доирасида тақдим қилинди.

Кичик гидроэнергетика соҳасидаги ноёб технология “Атомэнергомаш”нинг шўъба корхонаси Ганз ЕЕМ компанияси (Венгрия) томонидан ишлаб чиқарилади.

Мини-ГЭС марказий энергия таъминоти бўлмаган олис туманларни электроэнергия билан таъминлаши мумкин.

Станция ҳам автоном энергия манбаси, ҳам экологияга зарар келтирувчи энергетика манбалари муқобили сифатида ишлатилиши мумкин. Бу ечим дамба қуришни талаб қилмайди.

Барча ускуналир, жумладан, турбина, механик электрик компонентлар контейнерга ўрнатилади, бу эса ишга тушириш муддатларини қисқартиради.

Контейнер мини-ГЭСни олисдан туриб смартфон ёки компьютер орқали бошқариш мумкин.