Россия элчиси Пушкин даҳоси кўпчилик ўзбек шоирларига олдин ҳам, ҳозирда ҳам илҳом беришини айтиб ўтди

Тошкент. 7 июн. ЎзТАГ – Куни кеча Россияда Пушкин куни ва Тошкентда Рус тили кунини нишонлаш доирасида шоир ёдгорлиги пойига гуллар қўйиш маросими бўлиб ўтди деб хабар беради Ўзбек телеграф агентлиги (ЎзТАГ).

Россиянинг Ўзбекистондаги элчиси Владимир Тюрденев кириш сўзида Пушкин буюк тарихий шахс ва ёзувчи бўлганини таъкидлаб ўтди. Унинг ижодида рус тилининг бутун кучи ва жозибасини топиш мумкин. У яратган адабиёт нафақат рус маданияти, балки катта рус дунёсининг бир қисмига айланди.

 “Тошкентда Пушкинга ўрнатилган ёдгорлик билан ҳар қандай пойтахт фахрланиши мумкин. Ушбу монумент нафақат шоирнинг ижодий меъроси, балки ўзбек-россия маданий алоқаларининг мустаҳкамлашаётганини ҳам акс эттиради”, - деб таъкидлади дипломат.

Тюрденев 6 июн Россияда расмий мақомга эга бўлиб, Пушкин куни ва Рус тили куни сифатида нишонланишини айтиб ўтди. Бу, айниқса, кучли рус тили мутахассисларига эга бўлган Ўзбекистон учун долзарбдир.

Александр Сергеевич Пушкин даҳоси кўпчилик ўзбек шоирларига олдин ҳам, ҳозирда ҳам илҳом беради.

Россия элчиси нутқи якунида Пушкин таваллудига эътибор қаратган барчага ташаккур айтиб, уларнинг Рус тили куни билан қутлади.