Россия компанияси Аngren Packда улуш сотиб олди

Тошкент. 6 июн. ЎзТАГ – Россиянинг “Николь-Пак бошқарувчи компанияси” ширкати Ўзбекистондаги Аngren Pack компаниясида улуш сотиб олди, деб хабар беради Ўзбек телеграф агентлиги (ЎзТАГ) “Тошкент” РФБ маълумотига таянган ҳолда.

Хусусан, биржа маълумотларига кўра, россиялик ширкат Аngren Packнинг 215600 акцияларини сотиб олди, бу эса ўзбек қоғоз маҳсулотлари ишлаб чиқарувчиси акцияларининг 53,05% ташкил қилади.

Эслатиб ўтамизки, Аngren Pack компанияси Ўзбекистондаги қоғоз саноатига мансуб корхона ҳисобланиб, картон, қоғоз ва гофротара, туалет қоғози, қоғоз салфеткалар ва сочиқлар ишлаб чиқаради. Компаниянинг қуввати йилига 100 минг тонна қоғоз ва 120 млн кв. м гофрокартонга тенг.

Сурат манбаи: http://www.angrenpack.uz/yangiliklar/many-people-think-1/