Россия Марказий Осиё ва Украина ўртасидаги савдо-сотиққа тўсқинлик қилмоқда

Тошкент. 7 май. ЎзТАГ – Россия Марказий Осиё ва Украина ўртасидаги савдо-сотиққа тўсқинлик қилмоқда, дея хабар беради Ўзбек телеграф агентлиги (ЎзТАГ) россия ОАВ материалларига асосланган ҳолда.
Яқинда Россия ветеринария ва фитосанитария назорати федерал хизмати (“Россельхознадзор”) мамлакат ҳудудидан Украинадан Қозоғистонга жўнатилган 7 вагон сояни ўтказмади. Бу ҳақида муассасанинг хабарида маълум қилинди. Хабарга кўра, юк транзити “Россельхознадзор”нинг ушбу юкни Божхона Иттифоқи божхона ҳудудидан олиб ўтиш учун берилган рухсатномаси бўлмаганлиги сабабли тўхтатилган.
Юк “Трейн Укрейн”, “НТД-Украина” МЧЖлари томонидан жўнатилган, олувчи “Agromean” (Қозоғистон) МЧЖ ҳисобланади.
Апрел охирида “Россельхознадзор” инспекторлари Гуково ўтиш пунктида “Мироновская птицефабрика” ХАЖда ишлаб чиқарилган парранда гўшти ортилган вагонларни ҳам тўхтатган эди. Ушбу юк Украинадан Ўзбекистонга йўналган бўлган. Сабаб – Россия  Федерацияси ҳудудидан транзит орқали олиб ўтишга рухсатнома бўлмаганлиги. Оғирлиги  188,492 тонна бўлган юк Global Leather Manufacture ўзбек компаниясига мўлжалланган эди.
Эслатиб ўтамизки, илгари апрел бошида “Россельхознадзор” Ўзбекистондан Украинага юк ўтказмаган эди.