Россия Ўзбекистон мактабларида рус тилини ўрганишни яхшилашга ёрдам беради

Тошкент. 15 октябрь. ЎзТАГ – Россия Ўзбекистон мактабларида рус тилини ўрганишни яхшилашга ёрдам беради, деб хабар беради Ўзбек телеграф агентлиги (ЎзТАГ).

"Ўзбекистон халқ таълими вазири Шерзод Шерматов ва Россиянинг Ўзбекистондаги элчиси Владимир Тюрденов рус тилини ўрганишни яхшилаш бўйича ҳамкорлик имкониятларини, шу жумладан, барча мактаблар учун рус тили ўқитувчиларини, шунингдек, рус тилидаги мактаблар учун фан ўқитувчиларни тайёрлашни муҳокама қилдилар", - дейилади Халқ таълими вазирлиги матбуот хизмати (ХТВ) хабарида.

Қайд этилганидек, Ўзбекистон томони рус тили ўқитувчиларини рус тилидаги мактаблар учун ўқитувчиларни қайта тайёрлаш бўйича минтақавий марказларга қайта тайёрлаш учун Россиядан мутахассисларни жалб қилишдан манфаатдор.

"Россия томонига Ўзбекистон ўқитувчиларини рус тилидаги билими бўйича тест синовидан ўтказиш ва натижалар асосида ўқитувчиларни қайта тайёрлаш дастурини тайёрлаш таклиф этилди", - дейилади хабарда.

Шунингдек, томонлар Ўзбекистон ёшларини Россия олий ўқув юртларида педагогика йўналиши бўйича ўқитишни ташкил этиш масалаларини кўриб чиқдилар.

"Ўзбекистон томони Россия экспертлари иштирокида рус тили ўқув дастури ва дарсликларини қайта кўриб чиқишни таклиф қилди, бу эса ушбу йўналишда таълим сифатини ошириш имконини беради", - дея қайд этилади хабарда.

Ш.Шерматов ва В.Тюрденовлар ўзбек мактабларига қўшимча бадиий адабиётлар тақдим этиш имкониятларини муҳокама қилиб, таълим рус тилида олиб борилмайдиган мактабларга алоҳида эътибор қаратдилар.

Республиканинг барча мактабларининг битирувчилари ҳам камида учта: давлат, рус ва инглиз тилларида эркин гаплашишлари керак.

Сурат манбаи: uzedu.uz