Россияда 5 мингдан зиёд Ravon автомобиллари чақириб олинди

Тошкент. 5 декабр. ЎзТАГ – Техник назорат ва метрология бўйича федерал агентлигида (Росстандарт) 5 мингдан зиёд Ravon автомобиллари (GM Uzbekistan) таъмирга чақириб олиниши ҳақида баён қилишди, деб хабар беради Ўзбек телеграф агентлиги (ЎзТАГ).

“Росстандарт 5219 та Ravon Nexia R3 автомобилларини кўнгилли равишда чақириб олишни ўтказиш бўйича тадбирлар дастури келишилгани ҳақида маълумот беради. Тадбирлар дастури Ravonнинг Россиядаги расмий вакили бўлган Ravon Motors Rus компанияси томонидан тақдим этилган”, - дейилади “Росстандарт” матбуот хизматининг хабарида.

Қайд этилишича, 2017 йил майдан 2018 йил мартгача бўлган муддатда сотилган автомобиллар чақириб олинади.

Яна маълум қилинишича, транспорт воситаларининг чақириб олинишига металл трубкали чиқариш шлангининг силжиш эҳтимоли сабаб бўлган. Бу, агентлик маълумотига кўра, тизимдан гидравлик суюқлик сизишига олиб келиши мумкин.

Ravon компанияси машиналар эгаларини техникани яқин орадаги дилерлик марказига таъмир учун тақдим этиш зарурлиги ҳақида маълумотлантиради. Қайд этлишича, барча ишлар бепул амалга оширилади.

 

Сурат манбаи: https://rg.ru