Россияда вояга етмаган Ўзбекистон фуқаросини зўрлашда гумондор шахс қўлга олинди
Тошкент. 17 октябрь. ЎзТАГ – Россияда вояга етмаган Ўзбекистон фуқаросини зўрлашда гумондор шахс қўлга олинди, дея хабар беради Ўзбек телеграф агентлиги (ЎзТАГ).
"Ўзбекистон Республикасининг Уфа шаҳрида (Россия) вояга етмаган фуқароларига нисбатан зўравонлик ҳақида ОАВларида хабар тарқатилиши муносабати билан Қозон шаҳрида Ўзбекистон Бош консуллиги бу масала назоратга олинишини маълум қилади", - дейилади Ташқи ишлар вазирлиги (ТИВ) матбуот хизмати хабарида.
Таъкидланганидек, 15 октябрь куни Бош консул Фариддин Насриев Россиянинг Уфа шаҳридаги Ички ишлар вазирлиги бошқаруви (ИИВБ) идорасида чет эл фуқаролари марказига ташриф буюрди, у ерда бўлган жабрланувчининг онаси, унинг адвокати билан суҳбатлашди ва расман маҳаллий тергов органларига мурожаат билан чиқди.
"Олинган маълумотларга кўра, гумондор бўлган Россия фуқароси К. Т.га қарши жиноят иши қўзғатилган ва уни ҳибсга олиш тўғрисида қарор қабул қилинганди", – деб якунланади хабар.
Сурат манбаи: moika78.ru
