Россиядан Ўзбекистонга пул ўтказмалари ҳажми бешдан бирга ўсди
Тошкент. 19 декабр. ЎзТАГ – 2017 йилнинг учинчи чорагида Россиядан Ўзбекистонга юборилган пул ўтказмалари ҳажми бешдан бирга ўсди, деб хабар беради Ўзбек телеграф агентлиги (ЎзТАГ).
Россия Марказий банки маълумотларига кўра, РФдан Ўзбекистонга $780 млн ўтказилган бўлиб, бу 2016 йилнинг муқобил давридагига қараганда 21,11% кўпдир.
Айни пайтда РФДан Ўзбекистонга $17 млн ўтказилган, бу эса 2016 йилнинг муқобил давридагига қараганда 15% оздир.
Ҳисобот даврида Россиядан Ўзбекистонга юборилган бир ўтказманинг миқдори $476дан $519гача ошди, Ўзбекистондан Россияга юборилган бир жўнатма ҳажми эса $1295дан $1099гача камайди.
2017 йилнинг 9 ойида Россиядан Ўзбекистонга $1,72 млрд миқдорда (2016 йил 9 ойида - $1,37 млрд) пул ўтказмалари, Ўзбекистондан РФга эса $49 млн ($68 млн) пул ўтказмалари юборилди.
Россия Марказий банки маълумотлар Anelik, BLIZKO, Contact, InterExpress, UNIStream, Western Union, Золотая Корона, ЛИДЕР, Почта России тизимларини ўз ичига олишини таъкидлаб ўтди.
Сурат манбаи: фото из открытых источников