Россиялик этнолог Сергей Абашин “Фарғона” метро станциясининг қайта номланишида ксенофобик кайфиятларни кўрди
Дата: 09:44, 12-06-2014.
Тошкент. 12 июн. ЎзТАГ - Россиялик этнолог Сергей Абашин “Фарғона” метро станциясининг қайта номланишида ксенофобик кайфиятларни кўрди, дея хабар беради Ўзбек телеграф агентлиги (ЎзТАГ).
Тарих фанлари доктори, этнолог Сергей Абашин ўзининг Facebookдаги саҳифасида “Мен ушбу кўпчилик аноним аҳолига ишонмайман. Бу амалдорларнинг ўзларининг ксенофобик кайфиятидан бошқа нарса эмас”, - деб қайд этди.
Унинг сўзларига кўра, “Фарғонада россиядан келиб чиққан ўн минглаб кишилар яшаганлар ва яшамоқдалар, улар бу ерни ўзларининг ватанлари деб биладилар, бу ерда уруш пайтида ўн минглаб қочоқлар жон сақлашган, энди эса ушбу сўз ёқмай қолган эмиш”.
“Фарғона” номидан вос кечиш ва уни “Жанубий-шарқий”га ўзгартиришда мен ксенофобик мантиқдан бошқа нарса кўрмаяпман”, - деди Абашин.
“Интерфакс” агентлиги олдин хабар бергани каби, лойиҳалаштирилаётган Кожуховская бекатини қайта номлаш 10 июн куни москва ҳукуматининг мажлисида “аҳолининг кўплаб мурожаатлари” баҳонаси билан тасдқланган.
Қайд этиш керакки, метро бекатларининг номлари Москвада илк маротаба кенг жамоатчилик муҳокама мавзуси бўлаётгани йўқ. Бир неча йил олдин “Алма-Ата” бекати номи шу тарзда ўзгартирилган эди. Шунда москваликлар 7 минг имзо тўплаб шаҳар мэрига мурожаат қилган эдилар, лекин бундан ҳеч қандай натижа чиқмаган эди.
