Россиянинг Brand Analytics компанияси Ўзбекистонда ваколатхона очмоқда

Тошкент. 30 июн. ЎзТАГ – Россия ОАВ ва ижтимоий медиа бозорини таҳлил қилиш ва кузатиш бўйича етакчиларидан бири бўлган Brand Analytics компанияси Тошкентда ваколатхона очмоқда, деб хабар беради Ўзбек телеграф агентлиги (ЎзТАГ).

“Тошкентдаги ваколатхона ҳамкорлик тармоғини ривожлантириш ва мижозлар сонини кўпайтириш билан шуғулланади. Шунингдек, у ўқув семинарлари ўтказиш, ҳудуд брендлари ва медиа номлари рейтингларини ўтказиш, ОАВ билан фаол ҳамкорлик қилиш кабиларни ҳам амалга оширади. Янги офис ходимлари орасида жаҳон даражасидаги маркетинг ва ижтимоий тадқиқотларни ўтказиш тажрибасига эга бўлган кучли таҳлилчилар бор”, – деб таъкидланади компания хабарида.

“Биз Марказий Осиё компанияларида ахборот майдонини таҳлил қилиш ва репутацияни бошқаришга бўлган талаб тез ўсиб бораётганлигини кўраяпмиз. Бизнинг платформамиз реал вақт давомида вазият ва мижозлар кайфиятларини кузатишга ёрдам беради, бу эса зарур ҳолатда бизнес-жараёнларга ўзгартиш киритиш ва сотувлар кўрсаткичларини яхшилаш, мижозлар содиқлигини ошириш ва янги мижозлар жалб қилишга кўмаклашади”, – деб таъкидлади Brand Analytics ҳудудий идорасининг бошлиғи Одил Алимов.