Россиянинг “Евроцемент групп” компанияси ўзбекистондаги активи устидан назоратни сақлаб қолди
Тошкент. 15 декабр. ЎзТАГ – Россиянинг “Евроцемент групп” компанияси ўзбекистондаги активи устидан назоратни сақлаб қолди, дея хабар беради Ўзбек телеграф агентлиги (ЎзТАГ).
Бу ҳақида Тошкент вилоят хўжалик судининг апелляция коллегияси қуйи турувчи маҳкаманинг “Евроцемент групп” компанияси томонидан “Оҳангаронцемент” ОАЖ хусусийлаштиришини ҳақиқий эмас деб топганлиги ҳақидаги қарорини бекор қилганидан кейин маълум бўлди.
РИА Новости манбаси маълумотларига кўра, коллегия қарори томонлар имзоланган яраш битими асосида қабул қиланган. Битим шартлари маълум қилинмаяпти.
Эслатиб ўтамизки, 21 июлда Тошкент вилоят хўжалик суди Ўзбекистон Хусусийлаштириш қўмитасининг “Оҳангаронцемент” ОАЖ 1994 августда хусусийлаштирилишини ҳақиқий эмас деб топиш ҳақидаги даъвосини қондирган эди. Суд томонидан ОАЖ мулки ва банк ҳисоблари хибсга олинган, завод маҳсулот етказиб беришни тўхтатган эди. Июл охирида завод акционерлари суд қарорини апелляцияга берган эдилар.
2006 йил августда “Евроцемент груп” швейцариянинг Zeromax GmbH компаниясидан корхонанинг 75,6% акцияларини сотиб олган эди. Ҳозирда россия компанияси корхона акцияларининг 83,92% эгалик қилади. Қолган 16,08% миноритар акционерларга тегишли.
“Оҳангаронцемент” ОАЖ 1961 йилда ташкил қилинган бўлиб, мамлакатдаги 2-йирик цемент заводидир. Корхона йилига 1,8 млн тонна цемент ишлаб чиқаради. 2013 йил якунлари бўйича заводда цемент ишлаб чиқариш ҳажми 6% ошиб, 1,62 млн. тоннага етди.
2014 йил ўтртасида “Евроцемент групп” China CAMC Engineering билан завод базасида йилига 2,4 млн. тонна “қуруқ” услубда цемент ишлаб чиқариш қувватига эга бўлган завод қуриш ҳақида келишув имзолади. Лойиҳа қиймати $128 млн.
