Россиянинг “Гидромех” компанияси Ўзбекистонга дарёларни чуқурлаштириш учун кемалар етказиб беради
Тошкент. 13 май. ЎзТАГ – “Гидромех” компаниялар гуруҳи Ўзбекистон Республикасига каналларни тозалаш учун 7 чуқурлаштириш кемаларини етказиб бериш бўйича шартнома имзолади, деб хабар беради Ўзбек телеграф агентлиги (ЎзТАГ) Portnews.ru таҳлилий нашрига асосланган ҳолда.
“Гидромеханизация заводи” (Рыбинск) ишлаб чиқарилган ускуналар ва машинокомплектларни йиғиш “Гидромех” ўзбек-россия қўшма корхонасида (51% улуши “Гидромех”га, 49% улуши Ўзбекистон ҳукуматига тегишли) амалга ошириш режалаштирилган”, - деб таъкидланади хабарда.
Эслатиб ўтамизки, Ўзбекистоннинг дарё тубини чуқурлаштирувчи флотини янгилаш дастури доирасида “Гидромех” олдинроқ 16 кемани етказиб берган эди. Умуман, 2020 йилгача Ўзбекистон 30га яқин шундай техникани харид қилишни режалаштирган. Бунда, буюртмачининг талабига кўра, ўзбек корхонасидаги маҳаллийлаштириш даражаси йилига 10-15%га ортиши керак.
“Гидромех” ДК Россиядаги дарё тубини чуқурлаштириш ускуналарини ишлаб чиқариш ва лойиҳалаш соҳасидаги етакчи ширкатдир. Завод вертикал интеграциялашган корхона бўлиб, металлургия, кема қуриш ва механик ишлов бериш бўлимларидан ташкил топган.
