Россиянинг “Лукойл” компанияси Ўзбекистонда энг кучли қуёш электростанциясини қуриш режалари ҳақида баён қилди

Тошкент. 17 июн. ЎзТАГ – Россиянинг “Лукойл” компанияси Ўзбекистоннинг Навоий вилояти Кармана туманида мамлакадаги энг кучли қуёш электростанциясини қуриш режалари ҳақида баён қилди, дея хабар беради Ўзбек телеграф агентлиги (ЎзТАГ).
Режага кўра, янги электростанциянинг қуввати ўртача 130 мегаваттни ташкил қилиб, бу Ўзбекистондаги ушбу турдаги лойиҳалар орасида энг юқори кўрсаткичдир.
Мутахассисларнинг фикрига кўра, бундай қувватли станцияни қуришда мамлакатнинг ноёб қуёшли иқлими ҳамда “Навоий” эркин саноат ҳудудидаги техноологик ишлаб чиқаришлардан электр қувватига бўлган юқори талаб сабаб бўлган.
Бундан бир оз илгари “Лукойл” вакиллари Навоий шаҳри атрофида қуввати 100 мегаватт ва қиймати 250 млн евродан ошиқ бўлган қуёш электростанциясини қуриш режалари ҳақида маълум қилган эдилар.
Эслатиб ўтамизки, айни пайтда Самарқанд вилоятида қуввати 100 мегаватт бўлган Ўзбекистондаги илк қуёш фотоэлектростанциясини қуриш ишлари давом этмоқда.