Россиянинг ЗУМК компанияси Ўзбекистоннинг “Самарчук” конида ерости ўқини қуришни бошлади

Тошкент. 3 апрель. ЎзТАГ – Россиянинг ЗУМК компанияси “Самарчук” конида вертикал ўқни қуриш лойиҳаси доирасида умумқурилиш ишларини бошлади, дея хабар беради Ўзбек телеграф агентлиги (ЎзТАГ).
“Айни пайтда компания объектда умуқурилиш ишларини олиб бормоқда ва Ўзбекистон ҳукумати томонидан лойиҳанинг техник-иқтисодий асосномаси тасдиқланишини кутмоқда. Ишнинг асосий босқичи – вертикал ўқни қуриш ишлари тахминан 20 ой вақт олади. У ишга тушгандан кейин кондан олтин қазиб олиш миқдори сезиларли даражада ошади” деди қурилишнинг буюртмачиси бўлган Олмалиқ кон-металлургия комбинатидаги манба.
“Қизил олма” номли манзилда жойлашган “Самарчук” конида вертикал ерости ўқини қуриш лойиҳасининг умумий қиймати $66 млнга тенг деб баҳоланмоқда. Объект қурилиши 2015 йилда тугалланади У тўлиқ ишга тушгач бу ерда йилига 100 минг тонна руда қазиб олинади.