Рустам Азимов қозоқ компанияларини ўзбек мева-сабзовотларини Россияга реэкспорт қилишда айблади
Дата: 17:27, 27-11-2014.
Тошкент. 27 ноябр. ЎзТАГ – Ўзбекистон Бош вазирининг биринчи ўринбосари Рустам Азимов Иқтисодий ҳамкорлик бўйича ўзбек-россия ҳукуматлараро комиссиясининг йиғилишида чиқиш қила туриб, қозоқ компанияларини ўзбек мева-сабзовотларини Россияга реэкспорт қилишда айблади, дея хабар беради Ўзбек телеграф агентлиги (ЎзТАГ)
Р.Азимовнинг сўзларига кўра, бунинг оқибатида кейинги пайтда ўзбек мева-сабзовот маҳсулотларининг Қозоғистонга экспорт ҳажми кескин ошиб, Россияга экспорт ҳажми кескин қисқарган.
Бош вазир ўринбосари Россия томонини Ўзбекистондан мева-сабзовотларини Россияга тўғридан-тўғри экспорт қилишни рағбатлантириш мақсадларида янги савдо божхона чоралари ишлаб чиқишга чақирди.
