Рустам Қосимжонов Германия чемпионатида икки ғалабани қўлга киритди
Дата: 18:12, 25-11-2016.
Тошкент. 25 ноябр.ЎзТАГ – Шахмат бўйича 2004 йилги жаҳон чемпиони, ўзбекистонлик халқаро гроссмейстер Рустам Қосимжонов Германия чемпионатида икки ғалабани қўлга киритди, деб хабар беради Ўзбек телеграф агентлиги (ЎзТАГ).
“Sehrli Shahmat” шахмат клуби маълумотларига кўра, Қосимжонов Bundesliga-Wochenendes 2016/17 клуб чемпионати доирасида OSG Baden-Baden клуби учун ўйнамоқда.
Турнир бошидан бери у жамоасига икки ғалаба очкоси олиб келиб, SK Schwäbisch Hall клубига мансуб GM Matthieu Cornette (2581, Франция) ва USV TU Dresden жамоасидан бўлган GM Grzegorz Gajewski (2633, Польша) устидан устунликка эришди.
