S&P Global Ratings “Туронбанк” АТБ рейтингини тасдиқлади
Тошкент. 13 июл. ЎзТАГ – S&P Global Ratings “Туронбанк” акционерлик тижорат банкининг (АТБ) рейтингини тасдиқлади, деб хабар беради Ўзбек телеграф агентлиги (ЎзТАГ) банк сайтидаги маълумотга асосланган ҳолда.
“S&P Global Халқаро рейтинг агентлиги 2016 йилда “Туронбанк” акционерлик тижорат банкининг кредит рейтингини “барқарор” прогнози билан тасдиқлади”, - дейилади хабарда.
Маълумот ўрнида, “Туронбанк” АТБ Ўзбекистоннинг йирик банклари сирасига киради ва мамлакатнинг барча вилоятларида 17 филиал ва 28 мини-банкларга эга.
2015 йил якунлари бўйича банк қимматли қоғозлар билан битимлар бўйича “Тошкент” РФБда энг яхши эмитент деб тан олинган.
S&P Global Ratings дунёнинг 26 мамлакатларида фаолият юритади ва бозор иштирокчиларига кредит рейтинглари ва таҳлилий материаллар тақдим этиш билан шуғулланади.
