Самарқанд вилоятида тантана ва тўйларга вақт чеклови жорий этилди
Тошкент. 6 август. ЎзТАГ – Самарқанд вилоятида тантана ва тўйларга вақт чеклови жорий этилди, деб хабар беради Ўзбек телеграф агентлиги (ЎзТАГ).
“Самаркандский вестник” газетасининг хабар қилишича, “ресторан, кафе ва гузарларда (микрорайонларда) тўй ва бошқа тантаналар соат 07.00дан 09.00гача ёхуд 12.00дан 14.00гача бўлиб ўтиши керак. Кечқурун тадбирлар 22.00гача тўлиқ тугалланиши зарур.
Ушбу чекловлар вилоят ҳокимиятида турли оилавий ва бошқа тўй тантаналарини тартибга солишга бағишланган йиғилишда қабул қилинган.
“Фуқароларнинг тинчлигини бузишнинг олдини олиш, исрофгарчиликка йўл қўймаслик, ортиқча дабдабабозлик ва бошқа салбий ҳодисаларнинг олдини олиш мақсадларида”, - дейилади газетадаги мақолада.
Бундан ташқари, доимий рейдлар ўтказиш ва жамоатчилик жойларида қонунчиликни бузиш ҳолларини аниқлаш учун ишчи гуруҳи ташкил қилиш ҳақида қарор қабул қилинди.
