Самарқанд вилоятида қуёш электростанцияси қурилмоқда
Дата: 10:44, 11-07-2014.
Тошкент. 11 июл. ЎзТАГ – Самарқанд вилоятида қуёш электростанцияси қурилмоқда, деб ёзади “Правда Востока”.
Марказий Осиёдаги илк қуёш фотоэлектростанциясининг қуввати 100 МВт бўлиб, лойиҳанинг умумий қиймати $310 млнга тенг. У Осиё Тараққиёт банки молиявий кўмагида “Ўзбекэнерго” билан тузилган шартномага мувофиқ амалга оширилмоқда.
Лойиҳа мамлакат жанубий-ғарби, биринчи навбатда Самарқанд вилоятининг Пастдарғом, Нуробод, Каттақўрғон ва Нарпай туманлари аҳолисини электр қуввати билан таъминлашни яхшилашга қаратилган.
Шунингдек, лойиҳа қайта тикланувчи қувват манбаларидаан электр қуввати олиш ва парникли газлар чиқишини камайтиришга имкон беради.
Бундан ташқари, йилига 192 млн куб. метр табиий газ ҳам тежаб қолинади. Қурилиш ишларига 100 зиёд техника жалб этилган бўлиб, қуёш электростанциясини Мароқанд темир йўл станцияси билан боғловчи 13 кмлик йўл реконструкция қилинмоқда.
Ишлар бошланиши билан бу ерда 100 янги иш ўринлари очилди.
Мутахассисларнинг фикрига кўра, қурилиш ишлари 3 йил давом этади.
