Самарқандда Ўрта асрлар шарқи олим ва мутафаккирларига бағишланган халқаро конференция бўлиб ўтади

Тошкент. 16 апрель. ЎзТАГ – 15-16 май кунлари Самарқандда “Ўрта асрлар шарқи олим ва мутафаккирларининг тарихий мероси ва унинг завонавий тамаддундаги роли ва аҳамияти” номли халқаро конференция бўлиб ўтади, дея хабар беради Ўзбек телеграф агентлиги (ЎзТАГ).
“Тадбирда дунёнинг 50 мамлакатидан келган олимлар, нуфузли халқаро ташкилотларнинг раҳбарлари ва илмий марказлар ва институтлар вакиллари, экспертлар иштирок этиши режалаштирилмоқда”, - деб таъкидлашди тадбир ташкилий қўмитасида.
Форум қатнашчилари Ўрта асрлар шарқи олим ва мутафаккирларининг илмий, тарихий ва фалсафий мероси ва уларнинг замонавий астрономия, математика, география, геодезия, тиббиёт, фармакология, химия, минералогия ва бошқа фанлар ривожига қўшган ҳиссаси кабиларни муҳокама қиладилар.
Тадбирнинг очилишида Ўзбекистон Республикаси Президенти нутқ сўзлаши кутилмоқда.