Самарканд кўчаларидан бирида иккинчи синф ўқувчиси тунаб кетилди
Дата: 17:19, 29-02-2016.
Самарқанд. 29 феврал. ЎзТАГ – Самарканд кўчаларидан бирида талончи аёл иккинчи синф ўқувчисини тунаб кетди, деб хабар беради Ўзбек телеграф агентлиги (ЎзТАГ).
“Самарқанд вилояти Пайариқ тумани ички ишлар бўлимига 38 ёшли аёл мурожаат қилиб, номаълум аёл Янги қурилиш кўчасида қизи – 2-синф ўқувчисининг қулоғидан сариқ металлдан ясалган зиракларини ечиб олиб, воқеа жойидан яширинганлигини маълум қилган”, - дейилади Ўзбекистон Ички ишлар вазирлиги матбуот хизмати хабарида.
Олиб борилган тезкор тадбирлар натижасида ушбу талончиликни 36 ёшли аёл содир этгани тўлиқ фош этилди ва у қўлга олинди. Аёл айбини бўйнига олди.
Талончилик факти юзасидан жиноят иши очилган, тергов олиб борилмоқда.
