“Саноатқурилишбанк” ўзбек банки очиқ савдоларда қиймати 28,25 млрд сўмдан ошиқ бўлган текстиль корхонасини сотишни режалаштирмоқда

Тошкент. 14 октябр. ЎзТАГ – “Саноатқурилишбанк” ўзбек банки очиқ савдоларда қиймати 28,25 млрд сўмдан ошиқ бўлган “Elite stars textile” текстиль корхонасинининг 100%лик улушини сотишни режалаштирмоқда, дея хабар беради Ўзбек телеграф агентлиги (ЎзТАГ).

Савдолар “Республика мулк маркази” томонидан ташкил этилган.

Марказ маълумотларига кўра, корхонанинг бошланғич қиймати 28,25 млрд сўм бўлиб, у Қорақалпоғистон Республикасининг Хўжайли туманида жойлашган.

Савдоларда қатнашиш учун салоҳиятли инвестор корхона бошланғич қийматининг 0,2% миқдорида гаров пули киритиши керак. Сотув келишувига келингандан кейин ушбу сумма 15% етказилади ва тўловни 7 йилда бўлиб тўлаш имконияти берилади.

Эслатиб ўтамизки, “Elite Stars Textile” корхонаси пахта матолар ишлаб чиқаришга ихтисослашган бўлиб, банк балансига олингандан кейин унга 25 млрд сўм маблағ киритилди. Корхона ускуналари янгиланиб, у 2012 йил октябрда қайта ишга туширилди. Корхона йилига 5 минг тонна юқори сифатли калава ишлаб чиқариш қувватига эга. Бу ерда чиқарилаётган маҳсулотнинг деярли 80% экспорт қилинмоқда.

$1 = 2375,56 сўм