SAP немис компанияси Ўзбекистонда кичик ва ўрта бизнес ривожини қўллаб-қувватлайди
Тошкент. 10 июн. ЎзТАГ – SAP немис компанияси Ўзбекистонда кичик ва ўрта бизнес ривожини қўллаб-қувватлайди, деб хабар беради сешанба куни Ўзбек телеграф агентлиги (ЎзТАГ).
“SAP МДҲ компанияси ва Ўзбекистон Республикаси “Электрон ҳукумат” тизимини ривожлантириш маркази тадбиркорликни қўллаб-қувватлаш соҳасида ҳамкорликка доир меморандум имзоладилар. Келишув SAP Business One ишланмаси асосида кичик ва ўрта бизнес учун миллий “булутли” инфраструктура ва IT-платформани ташкил қилишни кўзда тутади”, - деб таъкидланади SAP матбуот хизмати хабарида.
Биргаликдаги ташаббус SAP дастурий маҳсулотларини етказиб бериш, SAP Business One тизимида ишловчи IT-мутахассисларни тайёрлашда маслаҳат хизматлари кўрсатиш ҳамда етакчи ўзбек ОЎМ, Марказ ва бошқа давлат органлари иштирокида миллий ҳамкорлик ва саноат ҳамжамиятлари шаклланиши учун тадбирлар, конференция, доира суҳбатлари ўтказишни кўзда тутади.
Эслатиб ўтамизки, SAP SE корхоналар учун дастурий таъминотлар ишлаб чиқариш бўйича жаҳонда етакчи ҳисобланади. Компания Вальдорфда (Германия) жойлашган бўлиб, 130 мамлакатда ваколатхоналарга эга.
Унинг Ўзбекистондаги ваколатхонаси 2013 йил сентябрда очилган. Бугунгача ширкат электрон ҳукумат соҳасида 20 ошиқ лойиҳаларни амалга оширди.