Сардор Милано келажакка ишонч билан боқаётганини маълум қилди

Тошкент. 23 сентябр. ЎзТАГ – Асли тошкентлик хонанда Сардор Милано туғилган кунида келажакка ишонч билан боқаётганини маълум қилди, деб хабар беради Ўзбек телеграф агентлиги (ЎзТАГ).

“В Контакте”даги саҳифасида 14 сентябр, яъни туғилган кунида у “Бугун менинг 24 туғилган куним. Оиламга қанча йиллардан бери менга далда бериб тургани учун миннатдорчилик билдирмоқчиман. Мен Яратганга 2015 йил, “Бош саҳна”даги ғалаба учун ташаккур айтаман. Ушбу ғалаба менга ўзимга ишонч берди ва орзулар амалга ошиши мумкинлигини кўрсатди”, - деб ёзди.

Сардорнинг сўзларига кўра, ушбу йил унинг учун бахтли келган. “У менга кўплаб йўлларни очди, ажойиб мусиқачилар ва кишилар билан таништирди. Асосийси, мен сизларни, яъни ўз мухлисларимни топиб олдим. Мен кучга тўламан ва келажагимга ишонаман. Мен келажакда амалга оширишни ният қилган кўплаб ғоялар бор”, - деб хулоса қилди Милано.

Эслатиб ўтамизки, Сардор Милано – “Бош саҳна” мусиқий томошасининг ғолибидир. Сардор Милано (ҳақиқий фамилияси – Эшмуҳамедов) Тошкентда 1991 йил 14 сентябрда туғилган. Болалигидан мусиқага қизиқиб, вокал билан профессионал шуғулланган.