Савдо-саноат палатаси ўзбек тадбиркорларини Брюсселдаги шоколад кўргазмасига таклиф қилди

Тошкент. 12 октябр. ЎзТАГ – Ўзбекистон Савдо-саноат палатаси (ССП) ўзбек тадбиркорларини Брюсселдаги шоколад кўргазмасига таклиф қилди. Кўргазма 2016 йилнинг 5-7 февралида Брюсселда бўлиб ўтади, деб хабар беради Ўзбек телеграф агентлиги (ЎзТАГ).

ССП маълум қилишларича, Salon du Chocolat кўргазмасига 30 минг киши ташриф буюриб, 100 ошиқ белгия шоколад ишлаб чиқарувчилари қатнашиши кутилмоқда.

Кўргазма чоғида бутун дунёдан келтирилган шоколадларни татиб кўриб, ўзига ёққанини танлаб олиш имконияти бўлади.

Кўргазма-ярмарка дегустация, конкурс ва бошқа томошалар билан бирга ўтказилади. Хусусан, марказий саҳнада махсус “фуд-шоу” ўтказилиб, унда белгиялик қандолатчилар томонидан тайёрланган турли шоколадли таомларни татиб кўриш мумкин бўлади.