Сергей Лущан “Бунёдкор” ФКнинг янги бош мураббийи этиб тайинланди

Тошкент. 9 июн. ЎзТАГ –  Яқинда “Бунёдкор” футбол клубида жамоа раҳбарияти ва мураббийлари иштирокида йиғилиш бўлиб ўтди ва унда Сергей Лущан клуб футболчиларига расман янги бош мураббий сифатида таништирилди, дея хабар беради Ўзбек телеграф агентлиги (ЎзТАГ).
“Сергей Иванович “қалдирғочлар” учун бегона эмас. 2007-2008 йилларда у футболчилик фаолиятини “Бунёдкор” клубида якунлаган ва мураббийлик фаолиятини ҳам айнан ушбу клуб академиясида бошлаган. Шу пайтгача Ўзбекистон U-19 ёшлар терма жамоаси бош мураббийи сифатида фаолият кўрсатиб келган. С. Лущан клуб футбол мактабига асос солганлардан бири. Мураббийликнинг ҳам барча босқичларидан ўтган”, - деб таъкидлашди “Бунёдкор” ФК матбуот хизматида.
Эслатиб ўтамизки, Миржалол Қосимов Ўзбекистон “Бунёдкор”ни тарк этгач, Александр Волков вақтинчалик “Бунёдкор” клубини бошқариб келаётган эди.