Севара Назархон мухлисларидан бирига Ayoнинг Москвадаги концертига 2 билет совға қилди

Тошкент. 12 декабр. ЎзТАГ – Таниқли ўзбек хонандаси Севара Назархон нотаниш мухлисларидан бирига Ayoнинг Москвадаги концертига 2 билет совға қилди, дея хабар беради Ўзбек телеграф агентлиги (ЎзТАГ).

Кеча С.Назархан ўзининг Facebookдаги саҳифасида 14 декабр куни немис хонандаси Ayoнинг концертига боролмаслиги, лекин билетни исталган кишига бериши мумкинлигини маълум қилди.

Бугун эса хонанда билет эгасининг номини эълон қилди. У хонанданинг ижтимоий тармоқдаги мухлисларидан бири - Kim Haller номли киши бўлиб чиқди.

Эслатиб ўтамизки, Ayo – асли келиб чиқиши африкадан бўлган немис хонанда ва композиторидир. Унинг ижро услуби фолк ва регги белгилари бўлган соул услубига яқин туради. Хонанда нигериялик ва руминка оиласида туғилган.

Ayoнинг “Joyful” номли дебют альбоми 2006 йилда чиққан бўлиб, аввал Европа, кейин эса қолган жойларда ҳам машҳур бўлиб кетди. Диск Франция, Германия ва Польшада платина диски мақомини, Швейцария, Италия ва Грецияда эса олтин диск мақомини олди.

2013 йил кузида хонанда “Ticket To The World” номли студия альбомини чиқарди. Айнан шу альбомни Ayo Россияда тақдим қилади.